તિલકવાડા ખાતે તારીખ ૨૬/૦૧/૧૮ નાં રોજ ઉજવાયેલા ગણતંત્ર દિવસના જીલ્લા કક્ષાના કાર્યક્રમમાં જવાહર નવોદય વિદ્યાલયના ૭૦ બાળકોએ સાંસ્કૃતિક કાર્યક્રમમાં ભાગ લીધો હતો.
વિદ્યાલયના બાળકો દ્વારા રાષ્ટ્રીય એકતાને પ્રજવલ્લિત કરતા “એક ભારત શ્રેષ્ઠ ભારત” તથા સરકાર દ્વારા ચલાવવામાં આવતા વિવિધ અભિયાનોને જાગૃત કરતા પોસ્ટર સાથે પીરામીડ ડાંસ રજૂ કરવામાં આવ્યો હતો.
સમગ્ર કાર્યક્રમમાં ઉપસ્થિત તમામ મહાનુભાવો દ્વારા સરાહવામાં આવ્યો હતો. વિદ્યાલયના બાળકોને કાર્યક્રમના અતિથી વિશેષ અને નર્મદા જીલ્લાના કલેકટર આર.એસ.નીનામા દ્વારા પ્રમાણ પત્ર તેમજ ૪,૬૦૦ રૂપિયાનું રોકડ ઇનામ આપવામાં આવ્યું હતું. આ સમગ્ર કાર્યક્રમ વિધ્યાલય નાં પ્રાચાર્ય સેફાલી સિંહ નાં માર્ગદર્શન હેઠળ વિદ્યાલયના સંગીત શિક્ષક આવૃત ભટ્ટ તેમજ વ્યાયામ શિક્ષિકા ડિમ્પલ ગેવરીયા દ્વારા તૈયાર કરવામાં આવ્યો હતો. વિદ્યાલયના તમામ શિક્ષકોએ કાર્યક્રમને સફળ બનાવા પોતાનું યોગદાન આપ્યું હતું.
