વડોદરા જિલ્લાના કરજણ પોલીસ મથકની હદમાં ઝડપાયેલા ભારતીય બનાવટના વિદેશી દારૂના જથ્થાનો વહીવટી તેમજ પોલીસ અધિકારીઓની હાજરીમાં બુલડોઝર ફેરવી દઇ નાશ કરવામાં આવ્યો હતો. પોલીસ સૂત્રોના જણાવ્યા અનુસાર કરજણ પોલીસ મથકની હદમાંથી ગત તા.૬/૦૨/૨૦૨૩ થી તા.૧૨/૧૦/૨૦૨૩ સુધીમાં પકડાયેલો વિદેશી દારૂનો જથ્થો જેમાં નાની મોટી દારૂ બિયરના નંગ કુલ ૧,૪૪,૭૭૯ જેટલી બોટલો જેની કિંમત ૨,૩૮,૮૩,૮૨૦/ ના વિદેશી દારૂના જથ્થાને એક બંધ પડેલી કંપનીના મેદાનમાં પાથરી દેવામાં આવ્યો હતો.
ત્યારબાદ દારૂના જથ્થા ઉપર બુલડોઝર ફેરવી દઇ દારૂના જથ્થાને નાશ કરવામાં આવ્યો હતો. કરજણ પ્રાંત અધિકારી, મામલતદાર, નશાબંધી આબકારી ખાતાના અધિકારી, ડભોઇ સર્કલ નાયબ પોલીસ અધિક્ષક તેમજ કરજણ પોલીસ મથકના પોલીસ ઇન્સ્પેકટર એ કે ભરવાડની હાજરીમાં દારૂના જથ્થાનો નાશ કરવામાં આવ્યો હતો.
યાકુબ પટેલ, કરજણ
Advertisement
