વલણ ગામે ટી. કે. આઈડિઅલ ટ્રસ્ટ અને ક્લિનિક દ્વારા 6 ઠ્ઠો હિજામા કેમ્પ (કપિંગ થેરાપી) યોજાયો
“ટી. કે. આઈડિઅલ એજયુકેશનલ એન્ડ ચેરિટેબલ ટ્રસ્ટ” અને “ટી. કે. આઈડિઅલ ક્લિનિક”ના સંયુક્ત ઉપક્રમે કરજણના વલણ ગામે 6ઠ્ઠો “હિજામા કેમ્પ” યોજાયો હતો. જેનો લાભ વલણ, પાલેજ, માંકણ અને આસપાસના ગામોનાં લોકોને “રાહત દરે” મળ્યો હતો.
ખરજવું, દાદ, ફંગલ, લકવા, શરીરનો દુઃખાવો, કમરદર્દ, સાંધા, ગરદન અને ઘુંટણનો દુઃખાવો, સાયટિકા, નસો જકડાઈ જવી, સ્કીન એલર્જી વગેરે તકલીફો લોહીની ખરાબીને લીધે થતી હોય છે. જેને હિજામા થેરાપીથી (કપિંગ થેરાપી) દૂર કરવામાં આવે છે.
વડોદરા ‘અરબ હિજામા સેન્ટર’ના હિજામા થેરાપિસ્ટ અરબભાઈ અને સાનીદભાઈ દ્વારા દર્દીઓનો ઉપચાર કરવામાં આવ્યો હતો. આ કેમ્પને સફળ બનાવવા માટે ટ્રસ્ટના પ્રમુખ માસ્તર તૌસીફભાઈ કિકા (ઉર્ફે ટી.કે. સર) અને ડૉક્ટર અકીલાબાનું કિકાએ જહેમત ઉઠાવી હતી.
~ તૌસીફ કિકા, વલણ
