ભરૂચ
ભરૂચ શહેર નગરપાલિકા વોર્ડ નંબર ૧૧ માં ધારાસભ્યના વરદારને ૩૫ લાખના ખર્ચે નવ જેટલા કામની ખાતમુર્હુત વિધી યોજાઈ હતી જેમાં પાલિકા પ્રમુખ સહિતના સભ્યો અને આગેવાનો ઉપસ્થિત રહ્યા હતા.
ભરૂચ શહેરના નગરપાલિકા વોર્ડ નંબર ૧૧ ને અડીને કોઢી, લાલબજાર, વાલ્મીકીવાસ સહિતના નવ વિસ્તારોના વિવિધ મહોલ્લાઓ મુખ્યમંત્રી શહેરી સ્વર્ણિમ યોજના અંતર્ગત ૩૫ લાખના ખર્ચ પેવર બ્લોક નાખવાના કામોનું ભરૂચના ધારાસભ્ય રમેશ મિસ્ત્રીના હસ્તે ખાતમુર્હુત વિધી યોજાઈ હતી. આ અંગે ધારાસભ્યએ જણાવ્યુ હતુ કે, આ વિસ્તારના સ્થાનિક પાલિકાના સભ્યો અને સ્થાનિક આગેવાનોની રજુઆતના પગલે ખાતમુર્ણત વિધિ યોજાઈ છે અને આવનારા ચોમાસા પહેલા આ કામગીરી પુર્ણ કરી દેવામાં આવનાર છે. અહીંયા પાણી નિકાલ પણ સમસ્યા છે તે અંગે પણ આગામી દીવસોમાં કામગીરી કરીને યોગ્ય નિકાલની કામગીરી હાથ ધરવામાં આવનાર છે. આ પ્રસંગે પાલિકા પ્રમુખ વિભૂતિબા યાદવ, કારોબારી ચેરમેન હેમેન્દ્ર પ્રજાપતિ સહિતના વોર્ડના સભ્યો અને સ્થાનિક આગેવાનો ઉપસ્થિત રહ્યા હતા.
