બન્ને આરોપી સલમાને આપેલી ચોરીની ચેઇન વેચવાની ફિરકમાં હતી
સલમાન બહારથી મિત્રોને બોલાવી ચોરીઓને અંજામ આપતો હતો.
ભરૂચ.
ભરૂચના ઝાડેશ્વર રોડ પર હરીહર કોમ્પલેક્ષ પાસે મહિલાનો અછોડો તોડનારા શખ્સની પત્ની-માતા ચોરીની ચેઇન વેચવાની ફિરાકમાં ફરતી હોય પોલીસે બન્નેને ઝડપી પાડ્યાં હતાં. જ્યારે અછોડા તોડનાર શખ્સ સહિત 3ને વોન્ટેડ જાહેર કરી આગળની કાર્યવાહી હાથ ધરી છે.
ભરૂચના હરિહર કોમ્પલેક્ષ પાસેથી પસાર થતી એક મહિલના ગળામાંની 1.27 લાખની ચેઇન આંચકીને બે જણા મોપેડ પર ફરાર થઇ ગયાં હતાં. ઘટનાને પગલે ભરૂચ સી ડિવિઝન પોલીસ મથકે ફરિયાદ નોંધાતાં પોલીસે વિસ્તારના સીસીટીવી ફૂટેજ તેમજ હ્યુમન ઇન્ટેલિજન્સની મદદથી આરોપીઓના સગડ મેળવવાની કવાયત હાથ ધરી હતી. દરમિયાનમાં માલુમ પડ્યું હતું કે, ચેઇન સ્નેચિંગવાળી ચેઇન ફાટા તળાવના સલમાનની માતા ફાતેમા તેમજ તેની પત્ની તનવીરા વેચવાની ફિરાકમાં છે. જેના પગલે ટીમે તુરંત તેના ફળિયામાંથી સાસુ-વહુ બન્નેને ઝડપી પાડ્યાં હતાં. તેમણે કબુલાત કરી હતી કે, સલમાન ક્યારેક ક્યારેક બહારથી તેના મિત્રોને બોલાવી ચોરી કરવા જાય છે. ચોરી કર્યાં બાદ તે જણસો ઘરે આવી તેમને વેચવા આપે છે. અને તે તાત્કાલિક ભરૂચ છોડી જતો રહે છે. સલમાને અમદાવાદના જુહાપુરા મોહસીન રફીક અંસારી તેમજ ફૈઝાન ઉર્ફે પંડીત નામના બે મિત્રોને બોલાવ્યાં હતાં. ત્રણેેયે મળી સાંજે ચીલઝડપ કરી તેમને ચોરીની ચેઇન આપી ગયાં હતાં અને તેમને તે વેંચી નાંખા કહીં જતાં રહ્યાં હતાં. પોલીસે મામલામાં સલમાનની માતાં ફાતેમા ગુલામ રસુલ શેખ તેમજ પત્ની તનવીરા સલમાન શેખને ઝડપી પાડી સલમાાન ગુલામ રસુલ શેખ તથા મોહસિન રફિક અંસારી તથા ફૈઝાન ઉર્ફે પંડીતને વોન્ટડ જાહેર કર્યાં હતાં.
