પોલીસે સ્થળ પરથી 28 હજારથી વધુનો મુદ્દામાલ જપ્ત કર્યો
ભરૂચ.
ભરૂચ એલસીબીની ટીમ બકરી ઇદ નિમિત્તે પેટ્રોલિંગમાં હતી. તે વેળાં તેમને ચોક્કસ બાતમી મળી હતી કે, લીમડીચોક પાસે ગધેરાખેતરમાં બાવળની ઝાડીઓમાં કેટલાંક શખ્સોએ જુગારની મહેફિલ જમાવી છે. જેના પગલે ટીમે સ્થળ પર દરોડો પાડતાં જુગારિયાઓમાં દોડધામ મચી ગઇ હતી. જોકે, 4 જુગારિયાઓ ચકમો આપી નાસી છુટ્યાં હતાં. જ્યારે રોહિત દિનેશ વસાવા, પુર્વેશ ખોડા વસાવા, ધવલ દિનેશ પટેલ, અજય સાવન વસાવા, સુનિલ રમેશ દેવીપુજક તેમજ સાજન રમેશ દંતાણી નામના 6 જુગારિયા ઝડપાયાં હતાં. ટીમે તેમની પાસેથી રોડકા રૂપિયા તેમજ બે મોબાઇલ મળી કુલ 28 હજારથી વધુનો મુદ્દામાલ જપ્ત કર્યો હતો. ફરાર થઇ ગયેલાં જુગારિયાઓ અંગે પુછતાં તેમના નામ અરૂણ અશોક દંતાણી, આર્યન કાલુ દંતાણી, નવીન ભરત વસાવા તેમજ તુષાર કનુ વસાવા હોવાનું માલુમ પડ્યું હતું. ટીમે તમામ વિરૂદ્ધ ભરૂચ બી ડીવિઝન પોલીસ મથકે જુગાર ધારા હેઠળ ગુનો નોંધી ફરાર આરોપીને શોધવા માટેના ચક્રો ગતિમાન કર્યાં છે.
