ભરૂચના એડિ. જયુડિ. મેજી. ફર્સ્ટ ક્લાસ સાહેબની કોર્ટમાં કેસ ચાલી ગયો હતો
ભરૂચ.
ભરૂચ ફુડ એન્ડ ડ્રગ્સ વિભાગના ફુડ સેફ્ટી ઓફિસર એસ. આર. પટેલ તેમજતેમની ટીમે 2024માં બનાવટી હળદર પાવડરનું વેચાણ કરનારાઓ સામે કાર્યવાહી કરી હતી. જેમાં ભરૂચના કસક વિસ્તારમાં આવેલી શુભમ કે માર્ટ, સહિત શુભમ કે માર્ટ પ્રા.લી.ના વેન્ડર ફઝલ મુહમંદ અબ્દુલબશીર શેખ, પેઢીના ડિરેકટર વિજય કનકરીયા,સુમિત કનકરિયા, શુભમ કનકરીયા, સપ્લાયર રાજેશ કમલપ્રસાદ કનોડિયા, શુભમ કે માર્ટ પેઢી, તેના નોમિની શુભમ કનકરિયા વિરુદ્ધ ભરૂચના એડિશનલ જયુડિશીયલ મેજીસ્ટ્રેટ ફર્સ્ટ ક્લાસ અજય ત્રિલોકચંદ તિવડી સાહેબની કોર્ટમાં કેસ ચાલી ગયો હતો. જેમાં તેમણે તમામ પ્રકારના પુરાવા તેમજ પૂણે લેબમાંથી આવેલાં રિપોર્ટ સહિતી ભેળસેળયુક્ત સામગ્રીના વેચાણથી લોકોના સ્વાસ્થ્ય સાથે ચેડા કરાતાં હોવાનુું સ્પષ્ટ થતાં તમામને 1-1 લાખ એમ કુલ 8 લાખ રૂપિયાનો દંડ કરવામાં આવ્યો હતો.
