દવા બાબતે કેદીએ જેલમાં તેના યાર્ડમાં હંગામો કર્યો હતો
। ભરૂચ ।
ભરૂચ સબજેલમાં હવલદાર તરીકે ફરજ બજાવતાં ગુમાન શાંતીલાલ વસાવાએ ફરિયાદ નોંધાવી હતી કે, તેઓ ફરજ પર હતાં તે વેળાં સવા આઠ વાગ્યાના અરસામાં વાલિયાના હત્યાના કેસમાં ઝડપાયેલો કાચા કામનો કેદી વિશાલ પારસનાથ યાદવે યાર્ડ-૧ના ફાટક પાસે આવી તેમને દવા બાતે ઈન્ચાર્જ અધિક્ષકને રજૂઆત કરવા જણાવતાં તેમને પોણા દશેક વાગ્યે જેલ અધિક્ષક રસોઈ વિભાગમાં સ્ટીન રાઉન્ડ લેવા જતો હતો. તે વેળૉ તેમણે વિશાલની રજૂઆત સાંભળી આગળ જતાં રહ્યાં હતાં. જે બાદ વિશાલ યાદવે યાર્ડ૧માં આફ્ટર બેરેક ૪ પાસે ઉભા રહી મોટા અવાજે અપશબ્દો ઉચ્ચારવા લાગ્યો હતો. તેનો અવાજ સાંભળીને અધિક્ષકની ઓફિસ સુધી આવતાં તેમણે બહાર નિકળી કોણ આવી રીતે મોટા અવાજે અપશબ્દો બોલે છે તમ પુછતાં હવલદાર ગુમાન વસાવાએ તેમને જણાવ્યું હતું કે. વિશાલ યાદ દવા બાબતે અપશબ્દો ઉચ્ચારે છે. જેથી તેમણે તેને તેમની સમક્ષ રજૂ કરવા કહેતાં ગુમાન વસાવા તેને લઈને તેમના અધિક્ષક સમક્ષ રજૂ કરતાં તેમણે તેને અપશબ્દો નહીં ઉચ્ચારવા જણાવ્યો હતો. જેબાદ ગુમાન વસાવા તેને યાર્ડ ૧મા મુકવા જતો હતો. તે વેળાં વિશાલે ઉશ્કેરાઈ જઈ અચાનક તેમના પર હુમલો કર્યો હતો. તેમજ તેમના યુનિફોર્મની લાઈન યાર્ડ (વ્હિસલ દોરી) પકડી ઝપાઝપી કરી હતી. ઉપરાંત તેમની કામગીરીમાં ખલેલ પહોંચાડી હતી. બનાવ સંદર્ભે બી ડિવિઝન પોલીસ મથકે ફરિયાદ નોંધાવતાં પોલીસે ગુનો નોંધી આગળની કાર્યવાહી હાથ ધરી છે.
