પાલેજ પોલીસ તથા ડીજીવીસીએલની સંયુક્ત ટીમે ગૌ-વંશના ગુનામાં પકડાયેલા અસામાજીક તત્વોના ઘરોમાં ગેરકાયદેસર રીતે કરવામાં આવેલા વીજ જોડાણ સામે કડક કાર્યવાહી કરી કુલ રૂપિયા 86 હજારનો દંડ ફટકાર્યો હતો.
મુખ્ય પોલીસ અધિકારીના માર્ગદર્શન હેઠળ પાલેજ પોલીસ સ્ટેશન વિસ્તારમાં રહેતા અસામાજીક તત્વોની યાદી તૈયાર કરવામાં આવી હતી. આ યાદીના આધારે પોલીસ સ્ટાફની ટીમ રચી ડીજીવીસીએલના કર્મચારીઓ સાથે મળીને તેમના ઘરોમાં વીજ કનેક્શનની તપાસ હાથ ધરવામાં આવી હતી.
તપાસ દરમિયાન મીનાઝ પાર્ક, ટંકારીયા વિસ્તારમાં રહેતા અસ્લમ યુસુફ ઉમટા તેમજ હમ્જા યુસુફ ઉમટાના ઘરોમાં ગેરકાયદેસર વીજ જોડાણ મળી આવ્યા હતા. જેને પગલે ડીજીવીસીએલ દ્વારા તાત્કાલિક તેમના વીજ કનેક્શન કાપી નાખવામાં આવ્યા હતા અને બંને સામે મળીને કુલ રૂપિયા 86 હજારનો દંડ વસૂલવામાં આવ્યો છે.
પાલેજ પોલીસ દ્વારા અસામાજીક પ્રવૃત્તિઓ સામે આવી કાર્યવાહી આગળ પણ સતત ચાલુ રાખવાની ચેતવણી આપવામાં આવી છે.
