વિલાયત જીઆઇડીસીમાં આવેલી કલર ટેક્ષ કંપનીની તુફાન ગાડીમાં મંગળવારે રાતે 7 કર્મચારીઓને લઈ ડ્રાઈવર મેહુલ વસાવા ભરૂચ પરત આવી રહ્યાં હતાં. થામ ગામ નજીકથી તુફાન પસાર થતી હતી ત્યારે સામેથી આવતા વાહનની લાઈટથી ડ્રાઈવર અંજાય જતા સ્ટિયરિંગ પરનો કાબૂ ગુમાવ્યો હતો. તુફાન રોડ સાઇટ પર ઉતરી ખાડામાં પલટી મારી જતા બુમરાણ મચી હતી. માર્ગ પરથી પસાર થતા અન્ય વાહન ચાલકોએ અકસ્માત ગ્રસ્ત વાહનમાંથી બેભાન હાલતમાં ડ્રાઈવર સહિત 7 કર્મચારીઓને બહાર કાઢ્યા હતા. જેમાં ડ્રાઈવરને વેલ્ફેર હોસ્પિટલમાં લઇ જવાતા સારવાર દરમિયાન મોત થયું હતું. જ્યારે ભૂમિરાજસિંહ ખેર અને સંદીપ મોદીને ઇજાઓ પોહચી હતી. તો અન્ય 5 કર્મચારીઓ કિંજલ પટેલ, મેહુલ પરમાર, સૌરભ પુરી, કુલદીપ રાજ અને માનવેન્દ્રસિંહ ખેરનો આબાદ બચાવ થયો હતો.
Advertisement
