મક્તમપુર ખાતે આવેલી Little Stars High Schoolમાં વિદ્યાર્થીઓમાં નશામુક્તિ અંગે જાગૃતિ ફેલાવવાના હેતુથી નશામુક્તિ જાગૃતિ કાર્યક્રમનું આયોજન કરવામાં આવ્યું હતું.
આ કાર્યક્રમ દરમિયાન બ્રહ્માકુમારી સંસ્થા તરફથી ઉપસ્થિત બહેનોએ વિદ્યાર્થીઓને નશાના દુષ્પરિણામો અંગે વિસ્તૃત માહિતી આપી હતી. સાથે જ નશાની લતથી કેવી રીતે દૂર રહી શકાય અને સ્વસ્થ, સકારાત્મક તથા નશામુક્ત જીવન કેવી રીતે અપનાવી શકાય તે અંગે મહત્વપૂર્ણ માર્ગદર્શન આપવામાં આવ્યું હતું.
વિદ્યાર્થીઓએ કાર્યક્રમમાં ઉત્સાહપૂર્વક ભાગ લીધો હતો અને નશાથી દૂર રહેવા તેમજ સ્વસ્થ અને સકારાત્મક જીવન જીવવાનો સંદેશ મેળવ્યો હતો.
શાળાના સંચાલન તથા સ્ટાફના સહયોગથી યોજાયેલ આ જાગૃતિ કાર્યક્રમ સફળ રહ્યો હતો. કાર્યક્રમના માધ્યમથી વિદ્યાર્થીઓમાં નશામુક્તિ પ્રત્યે જાગૃતિ સાથે સ્વસ્થ જીવનશૈલી અને સામાજિક જવાબદારીની ભાવના વિકસાવવાનો મહત્વપૂર્ણ પ્રયાસ કરવામાં આવ્યો હતો.
