થોડા દિવસ અગાઉ ભરૂચ નગર પાલિકાના તંત્ર દ્વારા શહેર ના સેવાશ્રમ રોડ ઉપર પાઇપ લાઈન ની કામગીરી કરવામાં આવી હતી જે બાદ માં સેવાશ્રમ થી શક્તિ નાથ તરફ જતા માર્ગ ઉપર મસ્ત મોટા ખાડા પડ્યા હતા અને બીજી બાજુ વરસાદી માહોલ જામતા માર્ગ ઉપર કાદવ કીચડ જેવી પરિસ્થિતિ નું નિર્માણ થયું હતું..જેના કારણે અસંખ્ય વાહન ચાલકો અને શહેરીજનોને અવર જવર માટે ભારે તકલીફોનો સામનો કરવો પડયો હતો…
આજ રોજ સવારે ભરૂચ નગર પાલિકા ની ટિમ દ્વારા વાહનો લઈ માર્ગ ઉપર પડેલ ખાડાઓ નું પેચિંગ વર્ક કાર્ય કરવા માટે નીકળ્યા હતા પરંતુ કહેવત છે ને કે જેસી કરની વેસી ભરની જેવો ઘાટ નગર પાલિકા ના કર્મીઓ સાથે થયો હતો …જેમાં જે સમસ્યા પ્રજા ને અત્યાર સુધી પડી રહી હતી તે જ ખાડામાં પાલિકા નું વાહન ફસાયું હતું જેના કારણે માર્ગ ઉપર થી પસાર થતા લોકો માં ભારે હાસ્યાસ્પદ દ્રશ્યો જોવા મળ્યા હતા ..અને જાહેર માર્ગ ઉપર પાલિકા ની આબરૂ ના ધજાગરા ઉડતા જોવા મળ્યા હતા ……..
