છેલ્લા કેટલાય સમય થી ભરૂચ ના ચવાજ ગામ નજીક આવેલ વિડીયોકોન ઇન્ડસ્ટ્રીઝ લી.કંપની માં કામદારોના બાકી પડતા નાણાં અંગે અવાર નવાર તંત્ર માં લેખિત અને મૌખિક રજુઆત કરવા છતાં ૨૦૦ થી વધુ કામદારોના પ્રશ્નોનું કોઈ નિરાકરણ નહિ આવતા આજ રોજ વિડીયોકોન કંપનીમાં કાળી પટ્ટી ધારણ કરી કાળા જંડા મારી કામદારો દ્વારા પ્રતીક ઉપવાસ કર્યા હતા ……
કામદારોના જણાવ્યા મુજબ તેઓના છેલ્લા કેટલાય માસ ના બાકી પગાર.બાકી બોનસ તથા બાકી લેણા ની ચુકવણી ન કરવામાં આવતા કામદારોને પી એફ ના નાણાં ખર્ચ કરી પોતાના પરિવાર નું ગુજરાન ચલાવવાનો વારો આવ્યો છે…વધુ માં કામદારો એ જણાવ્યું હતું કે જો તેઓના પ્રશ્ર્નો નું વહેલી તકે નિરાકરણ નહિ આવે તો આગામી સમય માં કંપની નું સ્ક્રેપ વેચી તેઓના પ્રશ્નોનું નિરાકરણ લાવશે અને તેની સંપૂર્ણ જવાબદારી તંત્ર ની રહશે તેવી ચીમકી પણ ઉચ્ચારી હતી………..
