જલાલપોર તાલુકાના ચીજગામની હદમાં જિંગાના તળાવ ઉપર મુકેલા રૂ. 7 હજારના વીજવાયરના બંડલ અને વાસણો મળી કુલ રૂ. 11800ની મત્તાની ચોરી થયાની ફરિયાદ જલાલપોર પોલીસમાં નોંધાઈ છે.
ચીજગામની સીમમાં રહેતા તુલસીબેન ટંડેલના ઘર નજીક જિંગાના તળાવ આવેલા છે ત્યાં તળાવની પાળ ઉપર રૂ. 7 હજારની કિંમતના ઈલેકટ્રીક વાયરના બંડલો મુકવામાં આવ્યા હતા. આ ઉપરાંત તુલસીબેનના વાડામાં મુકેલા રૂ. 3 હજારની કિંમતના પીત્તળના બેડા, રૂ. 500ની કિંમતનો પિત્તળનો ઘડો, રૂ. 500ની કિંમતની પિત્તળની ડોલ અને લોખંડની બોડીવાળા રૂ. 800ની કિંમતના પ્રાઈમસ નંગ 2 મળી કુલ રૂ. 11800ની કિંમતની મત્તાની ચોરી થઈ હતી. અજાણી કચરો વીણનારી ચાર મહિલાઓએ તે ચોરી કર્યાની આશંકા સાથે ભરતભાઈ ટંડેલે જલાલપોર પોલીસમાં ફરિયાદ નોંધાવી છે. પોલીસે અજાણી ચાર કચરો વીણવાવાળી મહિલાઓ ઉપર શંકાના આધારે ગુનો નોંધી તપાસ હાથ ધરી છે…સૌજન્ય
