વડોદરાઃ શહેરના આજવા રોડ પર આવેલી મુથુટ ફાયનાન્સમાં લૂંટનો પ્રયાસ કરવામાં આવ્યો છે. પ્રાપ્ત માહિતી અનુસાર 4 જેટલા શખ્સો તમંચા સાથે આજવા રોડ પર આવેલી મુથુટ ફાયનાન્સમાં ઘુસી ગયા હતા. તમંચાની અણીએ સિક્યુરિટી ગાર્ડ સહિત ગ્રાહકોના મોબાઈલ છીનવી લીધા હતા.એક કર્મચારીએ સતર્કતા દાખવી સાયરન ચાલુ કર્યું હતું જેના કારણે લૂટારુઓ નાસી છુટ્યા હતા. કર્મચારીની સતર્કતાના કારણે લૂંટનો પ્રયાસ નિષ્ફળ રહ્યો હતો. ઘટનાની જાણ થતા જ પોલીસનો કાફલો પહોંચી ગયો હતો અને આગળની તપાસ હાથ ધરી હતી. અગાઉ પણ મુથુટ ફાયનાન્સમાં લાખોની લૂંટ થઈ ચુકી છે.સૌજન્ય
Advertisement
