સુરતથી ઓલપાડ જવાના રસ્તા પર આવેલ તળાદ પાટિયા પાસે અકસ્માતનો બનાવ બનતા તવેરા અને બાઇક વચ્ચે અકસ્માત સર્જાતા બે રાહદારીઓને અડફેટમાં લીધા હતાં. જેમાં રસ્તો ક્રોસ કરી રહેલી મહિલાનું ઘટનાસ્થળે મોત નિપજ્યું હતું.
આ બનાવને વિગતે જોતા સુરત-ઓલપાડ રસ્તા પર વિવિધ સ્થળોએ અને ખાસ કરીને તળાદ પાટિયા પાસે અવારનવાર અકસ્માત સર્જાય છે. જેથી સ્થાનિક રહેવાસીઓ દ્વારા આ રોડ પર બમ્પર મુકવા અંગે વારંવાર રજુઆતો કરવામાંઆવી હતી. પરંતુ તેનું કોઇ પરિણામ આવ્યું ન હતું. પરંતુ તળાદ પાટિયા પાસે એક તવેરા કાર અને એક બાઇક વચ્ચે અકસ્માત થતાં ત્રણ વ્યક્તિઓને ઇજા પહોંચી હતી. પરંતુ આ ઘટનાના બનાવમાં એક મહિલાનું સ્થળ પર મોત નીપજ્યું હતું. જેના કારણે લોકો ઉશ્કેરાઇ ગયા હતા અને રસ્તા પર બેસી ચક્કાજામ કર્યું હતું. પોલીસ અને તંત્ર દ્વારા ચક્કાજામ કરતા લોકોને સમજાવવા અંગેની પ્રક્રિયા ચાલી રહી છે.
