વરેડીયા ચોકડી નજીક ટ્રક અને ટેમ્પા વચ્ચે અકસ્માતનો બનાવ બન્યો …બે અજાણ્યા ઇસમોના મોત.

ભરૂચ
ભરૂચ નજીકથી પસાર થતા રાષ્ટ્રીય ધોરીમાર્ગ પર અવાર નવાર અકસ્માતના બનાવો બની રહ્યા છે ત્યારે આજે મળસ્કાના સમયે ભરૂચ થી વડોદરા જતા રાષ્ટ્રીય ધોરીમાર્ગ પર ટ્રક અને ટેમ્પા વચ્ચે અકસ્માત સર્જાયો હતો જોકે આ બનાવ અંગે મોત પામેલા બે વ્યક્તિઓના નામ જાણી શકાયા નથી.

આ બનાવ અંગે મળતી વિગત મુજબ વરેડીયા ચોકડી નજીક આ બનાવ મળસ્કાના ચાર વાગ્યા ના અરસામાં બન્યો હતો ટ્રક નંબર જિ જે ૧૨ બીટી ૭૦૯૬ હજીરા સુરત થી સાંણદ લોંખડનો સમાન ભરી જઈ રહી હતી ત્યારે ટેમ્પો નંબર જી જે ૧૬ એ યુ ૬૩૦૧ વરેડીયા ચોકડી પાસે પાછળ થી ભટકાતા ટેમ્પાના ચાલક ને ઇજા પહોંચી હતી જયારે ગંભીર ઇજાના પગલે ટેમ્પા માં બેઠેલા બે વ્યક્તિઓના સ્થળ પર મોત નિપજ્યા હતા. આ બનાવની તપાસ પાલેજ પોલીસ કરી રહી છે.