અંકલેશ્વર પંથકમાં વિવિધ વિસ્તારોમાંથી મોટરસાયકલ અને અન્ય વાહનોની ઉઠાંતરી થતી હોવાના બનાવો બની રહ્યા છે.જેથી મોટરસાયકલ ધરાવનારાઓમાં ભયની લાગણી જણાઈ રહી છે.હાલ આવી મોટરસાયકલ ઉઠાંતરીનો બનાવ બાલાજી એવનયુ માંથી થયો હતો.જે અંગે મળતી માહિતી અનુસાર મુળ રાજસ્થાનના અને હાલ અંકલેશ્વર જીઆઈડીસીના ગાર્ડન સિટી રોડ પર આવેલ ૧૯/બાલાજી એવનયુ માં રહેતા ઉગમલાલ બખ્તાવર કુમાવતે ગત ૩જી માર્ચ બાલાજી એવનયુમા પોતાની મોટરસાયકલ પાર્ક કરી હતી તે દરમિયાન કોઈ ઈસમો તેઓની બાઇકની ઉઠાંતરી કરી ફરાર થઈ ગયા હતા.જોકે ઘર પાસે લગાડેલા સીસીટીવી કેમેરામાં બાઇકની ઉઠાંતરી કરતા ચોરો ઝડપાયા હતા.જોકે આ બનાવ અંગે જી.આઈ.ડી.સી પોલીસ મથકે ફરિયાદ નોંધાતા સીસીટીવી ફૂટેજના આધારે પોલીસે તપાસનો આરંભ કરેલ છે.
Advertisement
