અંકલેશ્વર તાલુકા પોલીસે ભરણ ગામની સીમમાંથી બે વર્ષ પહેલા પકડાયેલ વિદેશી દારૂના નાસ્તા ફરતા આરોપીની અટકાયત કરી વધુ તપાસ હાથ ધરી છે .

પ્રાપ્ત માહિતી અનુસાર ગત તારીખ-25 મે 2017ના રોજ અંકલેશ્વર તાલુકા પોલીસે બાતમીના આધારે ભરણ ગામની સીમમાંથી વિદેશી દારૂના 88 હજારના મુદ્દામાલ સાથે બુટલેગર મુકેશ અર્જુનભાઈ વસાવા ઝડપી પાડ્યો હતો જયારે અન્ય બુટલેગર ફરાર થઈ ગયો હતો પોલીસે તેના વિરુદ્ધ ગુનો નોંધી તપાસ હાથ ધરી હતી તે દરમિયાન નવસારી પોલીસે વલસાડના વેળવાચના કુંડી ફળિયાના નિકુંજ અરવિંદભાઈ પટેલને ઝડપી પાડી સબજેલમાં મોકલી આપ્યો હતો તે અંકલેશ્વર તાલુકા પોલીસના પ્રોહિબિશન એક્ટના ગુનામાં વોન્ટેડ હોય અંકલેશ્વર તાલુકા પોલીસે તેની નવસારી સબજેલમાંથી અટકાયત કરી વધુ તપાસ હાથ ધરી છે.