દિનેશભાઇ અડવાણી
લોકસભા ચૂંટણીની તારીખો જાહેર થઇ ગઈ છે.દરેક બેઠકો ઉપર એક બાદ એક ઉમેદવારોના નામોની જાહેરાત થવા લાગી છે,ત્યારે ભરૂચ લોકસભા બેઠક રસ પ્રદ બનતી જઇ રહી છે.
Advertisement
એક તરફ બીટીપી અને કોંગ્રેસના ગઠબંધન અંગેની વાતો વહેતી વહેતી આવે છે,તો બીજી તરફ મનસુખ વસાવા ના સ્થાને ભાજપ નવા ઉમેદવાર ને મેદાન માં ઉતારે તેવી વાતો લોકો વચ્ચે ટોક ઓફ ધી ટાઉન બની છે.હજુ સુધી બંને પક્ષ તરફ થી ઉમેદવારો જાહેરાત કરવામાં આવ્યું નથી,ત્યારે ભરૂચ બેઠક ઉપર કોંગ્રેસના ઉમેદવાર તરીકે નું વધુ એક નામ ચર્ચામાં આવ્યું છે.
કોંગ્રેસના વરિષ્ઠ નેતા અહેમદ પટેલ ના પુત્ર ફેઝલ પટેલ ની એન્ટ્રી જોવા મળી રહી છે.રવિવારે યોજાનાર ભરૂચ વિધાનસભાના કાર્યકર્તા સંમેલન માં ફેઝલ પટેલ મુખ્યત્વે ઉપસ્થિત રહેવા અંગે તેઓને હાલ માં ભરૂચ લોકસભાના ઉમેદવાર હોય શકે છે,તેવી ચર્ચાઓએ જોર પકડ્યું છે.
