વિનોદભાઇ પટેલ
શ્રી ખોડલધામ યુવા સમિતિ અંકલેશ્વર સમાજ સેવા ના કાર્યો માટે હરહંમેશ કોઈ ને કોઈ સમાજ માટે તેમજ દેશની આર્મી માટે તત્પર રહે છે. જે સમસ્ત લેઉવા પટેલ સમાજના સંગઠન ને મજબુત બનાવવા માટે થનગનતી હોય છે. જેમાં રવિવારે તારીખ ૨૬/૫/૧૯ ના ૫૧ કુંડ હવન અને ભારતીય સેનાને સમર્પિત બ્લડ કેમ્પ યોજાયો જેમાં ૭૦૧ લોકો દ્વારા બ્લડ ડોનેટ કરવામાં આવ્યું હતું.આ કાર્યક્રમનું આયોજન ભવ્ય રીતે કરવામાં આવનાર હતું પરંતુ સુરતમાં જે આગને લીધે માસુમ બાળકો ના અવસાનને કારણે ખૂબ જ સાદી રીતે હવન અને બ્લડ ડોનેશન કેમ્પ યોજાયો. જેમાં મેજર મિહીર પાનસુરીયાની રકતતુલા થઈ અને સેના જવાનોને સન્માનિત કરવામાં આવ્યા.આ કાર્યક્રમ ભરૂચ જિલ્લા ખોઙલધામ સમિતિ ના માર્ગદર્શન અને સરદાર પટેલ સમાજ યુવા મિત્ર મંડળ સરદાર પટેલ સોશ્યલ ગ્રુપ જેસીઆઈ ખોડલધામ મહિલા સમિતિ ના સહકાર થી થયો.સુરત માં જે આગને કારણે અવસાન થયા તેમના માટે બે મીનીટનું મૌન પાડ્યું હતું.આ કાર્યક્રમને સફળ બનાવવા માટે ભરૂચ જિલ્લાના સમસ્ત લેઉવા પટેલ સમાજ તમામ સંસ્થાઓ અને ખોઙલધામ યુવા સમિતિ ના સ્વયં સેવકો ખડે પગે જહેમત ઉઠાવી હતી.
