અંકલેશ્વર શહેરના સામાજિક કાર્યકરો દ્વારા યુપીના અલીગઢમાં બાળકીની કરપીણ હત્યા અને ઝઘડિયા તાલુકાના દુષ્કર્મ મુદ્દે અંકલેશ્વર મામલતદારને આવેદન પત્ર પાઠવાયું હતું.

દિનેશભાઇ અડવાણી

આજરોજ અંકલેશ્વર મામલતદાર કચરી ખાતે અંકલેશ્વર શહેરના સામાજિક કાર્યકર રજનીસિંગ સહિતના આગેવાનોએ એક આવેદન પત્ર પાઠવયું હતું જેમાં જણાવ્યા અનુસાર યુપીના અલીગઢમાં નાણાની લેતી દેતીમાં બે વર્ષની ટ્વિન્કલ શર્મા નામની બાળકીની કરપીણ હત્યા કરવામાં આવી હતી જે બાળકીની હત્યા કરનાર હત્યારાઓ સામે કડકમાં કડક સજા અને ઝઘડિયા તાલુકાના એક ગામના સગીર બાળકી પર નરાધમોએ બળાત્કાર ગુજાર્યો હોવાની ઘટના સામે આવી છે.ત્યારે થોડા દિવસ પહેલા દહેજના એક ગામમાં પણ દુષ્કર્મની ઘટના બની હોવાના આક્ષેપ કરવામાં આવ્યા છે. હત્યા અને દુષ્કર્મની ઘટનાઓને પગલે લોકોમાં ભયનો માહોલ ફેલાઈ રહ્યો હોવાના આક્ષેપ કરવામાં આવ્યા છે.તંત્ર આરોપીઓની અટકાયત કરી તેઓની સામે કડકમાં કડક પગલા ભરે તેવી માંગ કરવામાં આવી છે.