ભરૂચ – નર્મદા ચોકડી પાર્કિંગમાંથી ચોરાયેલ મોટરસાઇકલ અંગે એલ.સી.બી પોલીસે ગણતરીના કલાકોમાં આરોપી અને મોટરસાઈકલ ઝડપી પાડી

ભરૂચ નજીક રાષ્ટ્રીય ધોરીમાર્ગ પર આવેલ ગરીબ નવાઝ મસ્જિદ પાસેથી એક આરોપીને ચોરીની મોટરસાયકલ સાથે પોલીસે ઝડપી પાડ્યો હતો. આરોપી સંજયકુમાર રણજીત વસાવા રહેવાસી કેમાતુર કંપની પાસે નર્મદા ચોકડી નજીક મૂળ રહેવાસી મળીયા સાંગ તાલુકો ડેડીયાપાડાને ચોરી કરેલ મોટરસાઇકલ સાથે ઝડપી પાડેલ છે. આ આરોપી અગાઉ સી ડિવિઝન પોલીસ સ્ટેશનમાં તથા જોધપુર રેલ્વે સ્ટેશન પોલીસમાં મોબાઈલ ચોરીના ગુનામાં ઝડપાયેલ છે. આરોપી સ્ટિયરિંગ બ્લોક વગરના મોટરસાયકલની તપાસ કરી સોકેટ ખોલી મોટરસાયકલની ચોરી કરવાની ટેવ ધરાવે છે. આ બનાવ અંગે વધુ તપાસ સી ડિવીઝન પોલીસ કરી રહી છે.