ગુલામહુશેન ખત્રી રાજપારડી
રાજપારડી થી ઝઘડીયા જવાના માર્ગ પર નવીખડોલી ગામે રોડ ઓળંગતા એક યુવક સાથે એક મોટરસાયકલ અથડાતા યુવક ગંભીર રીતે ઘવાયો હતો.રાજપારડી પોલીસ માંથી મળતી વિગતો મુજબ તા.૬ ના રોજ રાત્રીના અગિયાર વાગ્યાના અરસામાં નવીખડોલી નો અંકિતભાઇ કંચનભાઇ વસાવા નામનો ૨૮ વર્ષીય યુવાન ઘેરથી રોડની બાજુમાં આવેલ ખેતરોમાં કુદરતી હાજતે જતો હતો ત્યારે ઝઘડીયા તરફથી આવી રહેલી એક મોટરસાયકલે આ યુવક ને ટક્કર મારતા યુવક રોડ ઉપર ફંગોળાઇ ગયો હતો.અને બાઇક ચાલક પણ રોડ ઉપર ફેંકાઇ ગયો હતો.અકસ્માત ની જાણ થતા ઘટના સ્થળે માણસો ભેગા થઇ ગયા હતા.આ અકસ્માતમાં યુવક અંકિતભાઇ ની સાથે મોટરસાયકલ અથડાતા કપાળ તેમજ માથાના ભાગે ઇજાઓ થવા પામી હતી.તેમજ પગના ભાગે પણ મુઢ માર વાગ્યો હતો.મોટરસાયકલ ચાલક દિપકભાઇ મનહરભાઇ વસાવા રહે.ગામ નવામાલજીપરા તા.ઝઘડીયા ને પણ માથા તેમજ શરીરના અન્ય ભાગે ગંભીર ઇજાઓ થતાં આ બન્ને ઇજાગ્રસ્તોને એમ્બ્યુલન્સ દ્વારા ભરૂચ સીવીલ હોસ્પિટલ માં લઇ જવાયા હતા.બાદમાં ગંભીર રીતે ઇજાગ્રસ્ત થયેલા બાઇક ચાલકને વધુ સારવાર માટે અન્ય દવાખાનામાં લઇ જવાયો હતો.પ્રાપ્ત માહિતી મુજબ ગંભીર રીતે ઇજાગ્રસ્ત થયેલા બાઇક ચાલકનું સારવાર દરમિયાન મોત નિપજ્યુ હતું.રાજપારડી પોલીસે ટેલિફોનિક સંપર્ક કરતા આ વાતને સમર્થન આપ્યુ હતું આ અકસ્માતમાં જખ્મી થયેલા નવીખડોલી ગામના યુવક અંકિતભાઇ વસાવાએ રાજપારડી પોલીસ માં ફરિયાદ લખાવતા પોલીસે ગુનો નોંધી તપાસ હાથ ધરી છે.
