ભરૂચનાં વરેડિયા નજીક હાઇવે ઉપર ભુખી ખાડીની રેલીંગ તોડીને ટ્રક ખાડીમાં ખાબકતાં ટ્રક ચાલકને સામાન્ય ઇજા પહોંચી હતી.

ભરૂચનાં નેશનલ હાઇવે નં.48 ઉપર નાના મોટા અકસ્માત સર્જાય છે. ત્યાં આજે ભુખી ખાડીનાં બ્રીજની રેલીંગ તોડી ટ્રક ખાડીમાં ખાબકી હતી. પૂરઝડપે ટ્રકના ચાલકે સ્ટેરિંગ પરનો કાબૂ ગુમાવતાં ટ્રક ભુખી ખાડીનાં બ્રીજની રેલીંગ તોડીને નીચે ખાબકી હતી. જોકે સદનસીબે ડ્રાઇવરને સામાન્ય ઇજા પહોંચી હતી. મોટી જાનહાનિ કે ભયંકર અકસ્માત થતાં અટક્યો હતો. આ અંગે પોલીસને જાણ થતાં પાલેજ પોલીસ ધટના સ્થળે દોડી આવી.