નસવાડી તાલુકાનાં કાળીડોળી પાસેથી નસવાડી પોલીસે એક બોલેરો જીપમાં વહન થતો 7 લાખની કિંમતનો જંગી દારૂનો જથ્થો ઝડપી પાડયો હતો.

નસવાડી પોલીસને મળેલી ચોકકસ બાતમીના આધારે પોલીસ ટુકડીએ કાળીડોળી વિસ્તારમાં વોચ ગોઠવી હતી. તે દરમ્યાન એક બોલેરો પીકઅપ વાન આવતા પોલીસને જોતાં બુટલેગરો બોલેરો જીપ છોડી ફરાર થઈ ગયા હતા.
નસવાડી પોલીસે બોલેરો જીપમાંથી ઈંગ્લીશ દારૂનો જંગી જથ્થો કે જેની બજાર કિંમત અંદાજે રૂ.7 લાખની થાય છે તેને જપ્ત કર્યો હતો. તેમજ બોલેરો જીપને પણ જપ્ત કરી ફરાર બુટલેગરોને ઝડપી પાડવાની તજવીજ હાથ ધરી હતી.