વાલિયા પોલીસ મથકમાં અગાઉ નોંધાયેલ છેતરપિંડીના ગુનામાં નાસતા ફરતા આરોપીને ભરૂચ પેરોલ ફર્લો સ્કોવર્ડ પોલીસે ઝડપી લીધો.

ભરૂચ પેરોલ ફર્લો સ્કોવર્ડ પોલીસે વાલિયા પોલીસ મથકમાં અગાઉ નોંધાયેલ છેતરપિંડીના ગુનામાં નાસતા ફરતા આરોપીને ભરૂચના ભઠીયારવાડ નજીકથી ઝડપી પાડ્યો હતો અને આગળની કાર્યવાહી અર્થે ભરૂચ બી.ડિવિઝન પોલીસને સોંપી દીધો હતો. વાલિયા પોલીસ મથકે વર્ષ 2019 દરમ્યાન આઇપીસી એક્ટ કલમ 420,406,120(બી), 114 મુજબના છેતરપિંડીના ગુનામાં એક આરોપી મહંમદ હારુન ઉર્ફે સઉદ નૂરમોહમ્મદ કુરેશી (રહે. ભરૂચ) ભરૂચના ભઠીયારવાડ નજીક ફરી રહ્યો છે, જે અંગેની બાતમી ભરૂચ પેરોલ ફર્લો સ્કોવર્ડ પોલીસને મળતા પોલીસે ત્યાં પહોંચી તેની અટકાયત કરી હતી અને આગળની કાર્યવાહી અર્થે ભરૂચ બી.ડિવિઝન પોલીસને સોંપી દીધો હતો.