અંકલેશ્વર હાઇવે ઉપર આવેલ કોમ્પ્લેક્ષની દુકાનમાં શટર ઊંચું કરીને મોબાઈલ ફોન અને લેપટોપ સહિત સામાનની ચોરી કરી તસ્કરો ફરાર થઈ ગયા.

અંકલેશ્વરનાં ખરોડ ગામનાં રહીશ સાહિલ શબ્બીર સૈયદ હાઇવે ઉપર નવજીવન હોટલ નજીક બેતુલ કોમ્પ્લેક્ષમાં એન.જી.એન મલ્ટી કલેકશન એન્ડ મોબાઈલ શોપ ચલાવે છે.

ગત રાત્રીનાં સમયે દુકાન બંધ કરી ઘરે ગયા હતા અને મોડી રાત્રીનાં સમયે કોઈક તસ્કરોએ દુકાનનું શટર કોઈક સાધન વડે ઊંચું કરીને અંદર પ્રવેશ કરીને દુકાનમાં મૂકેલા અલગ અલગ કંપનીનાં 17 નંગ મોબાઈલ કિંમત રૂ. 1,62,782 તેમજ લેપટોપ સહિતનો સામાન મળીને કુલ રૂ. 1,90,822 ની ચોરી કરી લઈ ગયા હોવાની ફરિયાદ પોલીસ મથકમાં આવતા પોલીસે ચોરી અંગે ગુનો દાખલ કરી આગળની વધુ તપાસ હાથ ધરી છે.