તાજેતરમાં નજીવી બાબતે હાંસોટમાં થયેલ મર્ડરના આરોપીને હાંસોટ પોલીસે ઝડપી કાયદેસરની કાર્યવાહી હાથ ધરી હતી.

હાંસોટમાં આવેલ વેરાઇમાતાના મંદિરના પાછળના ભાગે આવેલ વાડીના રસ્તા ઉપર હાંસોટ રામનગરમાં રહેતા યોગેશભાઇ ઠાકોરભાઇ મિસ્ત્રી (ઉ.વ.૩૦) તેના ભાઇ કલ્પેશ સાથે ચાલતા ચાલતા જતા હતા તે વખતે સલીમ રસુલ વાડીવાલાએ “મારી જગ્યામાંથી કેમ જાવ છો અહીથી તમારે જવાનું નહી” તેમ કહી યોગેશનુ ગળુ દબાવી પેટમાં ફેટ મારી નીચે ફેકી દેતા તેને સારવાર માટે લઇ જતા મોત નિપજ્યું હતું.આ અંગે હાંસોટ પોલીસે હત્યાનો ગુનો દર્જ કર્યો હતો. હાંસોટ પોલીસની ટીમ તા.૦૫/૦૨/૨૦૨૦ ના રોજ આરોપીની તપાસ માટે પેટ્રોલીંગમાં હતા તે દરમ્યાન બાતમી આધારે આરોપી સલીમ રસુલ વાડીવાલાને પકડી અટકાયત કરી હતી.