સુરતમાં નામચીન વસીમ બીલ્લાને મારવા અપાઈ હતી ૧૦ લાખની સોપારી, 3 આરોપી ઝડપાયા, જાણો વધુ….!!

સુરતના નામચીન ખંડણીખોર અને તડીપાર વસીમ બિલ્લાની હત્યાકેસમાં સુરત એલસીબી પોલીસે ત્રણ હત્યારાઓને ઝડપી પાડયા હતા. નવસારીમાં છાપરા રોડ ઉપર સુરતનાં તડીપાર અને ખંડણીખોર વસીમ બિલ્લાના હત્યા કેસમાં યુપીનાં 2 અને રાજસ્થાનના 1 શાર્પ શુટરોને પોલીસે ઝડપી લીધા હતા.સુરત જિલ્લાના રેન્જ આઈજી રાજકુમાર પાંડિયને જણાવ્યું હતું કે, 10 લાખમાં સોપારી આપ્યા બાદ વસીમ બિલ્લાની રેકી કરી હત્યા કરવામાં આવી હતી.પોલીસે 60 થી વધુ લોકોનાં નિવેદનો લીધા હતા. નવસારીમાં તડીપારની સજા કાપવા આવેલા વસીમ બિલ્લાનું 22 મી જાન્યુઆરીએ મોડી સાંજે ઢીમ ઢાળી દેવાયું હતું. આ મર્ડર કેસમાં મૃતકનાં ભાઈએ નવસારી ગ્રામ્ય પોલીસમાં 7 શકમંદ સામે ફરિયાદ નોંધાવી હતી. પોલીસે આ કેસમાં 60 થી વધુ લોકોનાં નિવેદનો લીધા હતા. આ હત્યા કેસના ઉકેલ માટે રેંજ આઈજી દ્વારા ચાર ટીમો બનાવીને તપાસ હાથ ધરાઈ હતી. જેમાં હત્યાનાં 15માં દિવસે આ કેસનાં ત્રણ શાર્પ શૂટરોને ઝડપી પાડવામાં પોલીસને સફળતા મળી હતી.