ભરૂચ જીલ્લાનાં નેત્રંગ તાલુકાનાં કાંટાપાડા ગામનાં નિશાળ ફળિયાનાં આંબાવાડી ખેતરમાંથી વિદેશી દારૂ સાથે બુટલેગરને ઝડપી લઈ 45 હજારનો મુદ્દામાલ કબ્જે કર્યો હતો.

નેત્રંગ તાલુકાનાં કાંટાપાડામાં વિદેશી દારૂ વેચવામાં આવી રહ્યો હોવાની માહિતી ઇન્ચાર્જ DYSP એ.જી.ગોહિલને મળતા તેમણે નેત્રંગ પોલીસને તેની માહિતી આપી રેડ કરવાની સૂચના આપતાં પોલીસે કાંટાપાડાનાં નિશાળ ફળિયા નજીક આવેલ ખેતરમાં સંતાડેલા ઈંગ્લીશ દારૂની 456 નંગ બોટલો કિંમત રૂપિયા 45,600 સાથે દારૂ મંગાવનાર બુટલેગર ઇન્દુ બાદર વસાવાને ઝડપી લીધો હતો. જયારે દારૂનો જથ્થો આપનાર સપ્લાયર હિતેશ ચૌધરી રહેવાસી નસાપુર તાઉમઆડી જી.સુરતની શોધખોળ શરૂ કરી છે. આ અંગે નેત્રંગ પોલીસે ગુનો દાખલ કરીને આગળની વધુ તપાસ હાથ ધરી છે.