ઝધડીયા આંગણવાડી બહેનોએ બજેટમાં તેમને અન્યાય થયો હોવાના આક્ષેપ સાથે બજેટની કરી હોળી.

ઝધડીયા ખાતે આંગણવાડી બહેનોએ આજરોજ તાજેતરમાં ગુજરાત વિધાનસભામાં નાણાં મંત્રી નીતિન પટેલે પ્રસ્તુત કરેલ બજેટની કોપીની પ્રતિકારાત્મક હોળી કરી વિરોધ પ્રદર્શિત કર્યો હતો. ગુજરાત રાજ્ય આંગણવાડી કર્મચારી સંઘના રાજ્ય ઉપપ્રમુખ રાજેન્દ્ર સિંહ પરમારની અધ્યક્ષતા હેઠળ ઝધડીયા ખાતે આંગણવાડીની બહેનોએ બજેટમાં આંગણવાડી વર્કરોના પગારધોરણમાં કોઇ વધારો ન થતાં તેના વિરોધમાં બજેટની હોળી કરી હતી. આંગણવાડી બહેનોનું જણાવવું હતું કે આઠમીવાર બજેટ રજુ કરનાર નીતિનભાઈ પટેલ હજુ પણ આંગણવાડી વર્કરોના પગાર વેતનમાં વધારો નહીં કરે તો શ્રેણીબદ્ધ વિરોધ પ્રદર્શિત કરશે. તેમજ આંદોલન કરશે.