લીંબડી બોટાદ તરફ જતી એસ.ટી બસમાં બસ ચાલકે ઓચિંતી બ્રેક મારતાં એક વૃદ્ધ મહિલાને માથાનાં ભાગે ગંભીર ઈજાઓ પહોંચતા તેને ચાલક અને કંડકટરે બસ સાથે હોસ્પિટલ જઈ સારવાર કરાવી.

લીંબડી બોટાદ બસમાં કારોલ ગામના વૃદ્ધ મહિલા રતનબેનને અચાનક બ્રેક મારવામાં આવતા માથાનાં ભાગે ઈજા પહોંચી હતી.વૃદ્ધ મહિલાને સત્વરે સારવાર મળી રહે તે માટે બસ ચાલક અને કંડકટરે અન્ય મુસાફરો સાથે બસ લીંબડી હોસ્પિટલ હંકારી દીધી હતી અને મહિલાને તાત્કાલિક સારવાર અપાવી હતી. બસ ચાલક અને કંડકટરની આ સમયસૂચકતા અને માનવીય અભિગમથી બાકીના મુસાફરો પણ પ્રભાવિત થયા હતા અને બંનેની સરાહના કરી હતી.