ભરૂચ કોરોના મહામારી વચ્ચે ફરજ બજાવતા પોલીસ કર્મીઓ માટે બેન્ક ઓફ બરોડા દ્વારા વિતરણ કરાયું.

સમગ્ર દેશમાં હાલ કોરોના વાયરસને લઇ હાહાકાર મચ્યો છે. ગુજરાતમાં પણ એક બાદ એક કોરોના વાયરસના પોઝીટિવ કેસોમાં વધારો નોંધાઇ રહ્યો છે. આવી મહામારી વચ્ચે ફરજ બજાવતા પોલીસ કર્મીઓની વહારે અનેક સામાજિક સંસ્થાઓ આવી રહી છે. ભરૂચ શહેરમાં બેન્ક ઓફ બરોડા દ્વારા તાપમાં ફરજ બજવતા પોલીસ કર્મીઓ માટે માસ્ક, સેનેટાઈઝર બોટલ, છત્રી વિતરણ કરી કોરોના મહામરીમાં ફરજ બજાવવા બદલ ગુલાબ અર્પણ કરાયા હતા. શહેરના અલગ અલગ પોઇન્ટ ઉપર પોલીસ કર્મીઓને વિતરણ કરાયું હતું. આ પ્રસંગે બેન્ક ઓફ બરોડાના અધિકારીઓ તેમજ પોલીસ અધિકારીઓ સહિત નાઓ ઉપસ્થિત રહ્યા હતા.