વેરાકુઇ ગામના માજી સરપંચ મહેશભાઇ ગામીતના પિતા શરદભાઇ મકનજીભાઇ ગામીત પોતાના શેરડીનાં ખેતરમાં કામ કરી રહ્યા હતા ત્યારે ભુંડે અચાનક હુમલો કરી હાથ ઉપર ઇજા કરી હતી. ત્યારબાદ તેમને વેરાકુઇ પ્રાથમિક આરોગ્ય કેન્દ્ર ખાતે સારવાર આપવામાં આવી હતી. વેરાકુઇ વિસ્તારમાં ભૂંડોનો વ્યાપક ત્રાસ વધી રહ્યો છે. આ જંગલી ભુંડો શેરડી સહિતનાં કૃષિ પાકોને પણ નુકશાન કરી રહ્યા છે. ત્યારે આ જંગલી ભૂંડો કોઇ બીજા ખેડુત અને તેના કૃષિ પાકોને નુકસાન ન કરે તે માટે વન વિભાગ યોગ્ય કાર્યવાહી કરે તેવી ખેડુતો માંગ કરી રહ્યા છે.
Advertisement
