ન્યુઝ 18 નાં એન્કર દ્વારા હઝરત ખ્વાઝા ગરીબ નવાઝ વિશે અભદ્ર ટિપ્પણી કરતાં અંકલેશ્વરનાં મુસ્લિમ સમાજનાં આગેવાનો દ્વારા શહેર પોલીસ મથકે પીઆઇ સાહેબને આવેદનપત્ર આપવામાં આવ્યું.

ન્યુઝ 18 નાં એન્કર અમિશ દેવગન દ્વારા હઝરત ખ્વાઝા ગરીબ નવાઝ વિશે અભદ્ર ટિપ્પણી કરી જે શબ્દોમાં કહી શકાય તેમ પણ નથી, ખવાઝા ગરીબ નવાઝએ એકતાનાં પ્રતીક છે જેમને દેશ તેમજ દુનિયાનાં લોકોની આસ્થા તેમની સાથે જોડાઈ હોવાથી દરેક સમાજનાં લોકોમાં રોષ છે. જે સંદર્ભે આજરોજ અંકલેશ્વરનાં મુસ્લિમ સમાજનાં આગેવાનો દ્વારા એન્કર, ચેનલનાં માલિક તેમજ ડિબેટમાં શામિલ તમામ લોકો વિરુદ્ધ કડકમાં કડક કાર્યવાહી કરવામાં આવે એવી ફરિયાદ સાથે શહેર પોલીસ મથકે પીઆઇ સાહેબને આવેદનપત્ર આપવામાં આવ્યું. જે પ્રસંગે આગેવાનો પૈકી સિકંદર ફળવાલા, એડવોકેટ રઇસ સૂફી, વસીમ ફળવાલા, મૌલાના ગુલરેઝ, ફારૂક શેખ, અરશદ કાદરી, કાલુ મલેક, અકરમ પઠાણ, પરવેઝ લાકડાવાળા, અઝમલ મલેક, વગેરે હાજર રહ્યા હતા.