વાગરા તાલુકાનાં વિલાયત ચોકડી પર કાર અને બાઈક વચ્ચે અકસ્માત સર્જાતા બાઈક ચાલક ગંભીર રીતે ઈજાગ્રસ્ત થતાં હોસ્પિટલ ખસેડવામાં આવ્યો.

વાગરા તાલુકામાં સાંજનાં સમયે વિલાયત ચોકડી નજીક કાર અને બાઈક વચ્ચે અકસ્માત સર્જાયો હતો. ગંભીર અકસ્માતમાં બાઈક ચાલક ફંગોળાયો હતો અને ગંભીર રીતે ઇજાગ્રસ્ત થયો હતો. અકસ્માતનાં પગલે 108 ઇમરજન્સી સેવાને જાણ કરાતા ઘટના સ્થળે પહોંચી ઘાયલ યુવકને ભરૂચ ખાતે હોસ્પિટલમાં ખસેડવામાં આવ્યો હતો. આ સમગ્ર ઘટના અંગે વાગરા પોલીસે ગુનો નોંધી વધુ તપાસ હાથ ધરી છે.