પ્રાપ્ત માહિતી અનુસાર આમોદ તાલુકાનાં દેનવા ગામે ગામથી થોડો દૂર દરિયો આવેલો છે. હાલ લોક ડાઉનની પરિસ્થિતિમાં લોકોને અવર જવર બંધ હોવાના કારણે દરિયા કિનારે ટહેલવા સાંજ સમયે લોકોની ભીડ ઉમટી પડે છે. આ દરિયા કિનારે આજરોજ ચાંચવેલ ગામનાં ત્રણ યુવાનો નામે પટેલ મુસ્તકિમ મહેબૂબ યાકુબ, સૈયદ અફઝલ હુસેન તેમજ ખલીફા અફઝલ ઇસ્માઇલ જેઓ દરિયામાં ન્હાવા પડયા હતા. જે પૈકી ત્રણેય ઈસમો પાણીમાં ડૂબતા લોકોની નજર પડતા ચાંચવેલ ગામનાં ઇમરાન સુલેમાન ઢોંધાએ તેમને બચાવવા માટે દરિયાનાં પાણીમાં છલાંગ લગાવી હતી જેમાં ખલીફા અફઝલને બચાવી લીધો હતો અને બે યુવાનો જે પટેલ મુસ્તકિમ અને અફઝલ સૈયદ ડૂબી ગયા હતા. સમગ્ર ઘટનાની જાણ આમોદ પોલીસને થતાં પોલીસનો કાફલો ઘટના સ્થળે તાત્કાલીક દોડી ગયો હતો તેમજ ફાયર ફાયર ફાઈટરનાં જવાનો પણ ઘટના સ્થળે દોડી આવ્યા હતા અને ડુબેલ બંને યુવાનોની શોધખોળ હાથ ધરી હતી.
Advertisement :
ચાંચવેલ ગામનાં ત્રણ યુવાનો આમોદ તાલુકાનાં દેનવા ગામનાં દરિયા કિનારે પાણીમાં નાહવા પડતા ત્રણમાંથી એકનો આબાદ બચાવ.
Advertisement
