વેગેનાર કારમાં અચાનક આગ ભભૂકી ઉઠી જાણો કયાં ?

ભરૂચ જીલ્લામાં જંબુસરથી આમોદ જવાના રસ્તા પર આવેલ ભારત પેટ્રોલિયમ ઉપર કારમાં અચાનક ભયાનક આગ ભભૂકી ઉઠી હતી જેના પગલે અફરાતફરીનું વાતાવરણ ફેલાયું હતું.

જેથી આને જોડતા માર્ગ પર આવેલ ભારત પેટ્રોલિયમ ખાતે વેગેનાર કારમાં આગ ભભૂકતા જ લોકોમાં નાસભાગ થઈ ગઈ હતી. જોકે આ ઘટનાની જાણ થતાં જ જંબુસર નગરપાલિકા ફાયરફાઇટરોની ટીમ ઘટના સ્થળે પહોંચી જઇ તાત્કાલિક આગને કાબૂ કરવા કામગીરી શરૂ કરી હતી. ગણતરીનાં સમયમાં આગ કાબુમાં આવી ગઈ હતી. આ બનાવમાં મળતી માહિતી મુજબ બનાવનાં પગલે કોઈ જાનહાની થવા પામી ન હતી. ત્યારે કારમાં જે સ્થાને આગ લાગી તે સ્થાન પર આગે જો વિકરાળ સ્વરૂપ ધારણ કર્યું હોત અને જંબુસર નગરપાલિકાનાં ફાયરફાઇટરોએ સમયસરની કામગીરી ન કરી હોત તો એવી ભયાનક હોનારતનું સર્જન થતે તેનો વિચાર કરવો રહ્યો.