લીંબડી એસ.ટી બસસ્ટેન્ડ અને નેશનલ હાઈવે પર અડીંગો જમાવી બેઠેલા ખાનગી વાહન ચાલકો મુસાફરોને ખેંચી એસ.ટી વિભાગ સહિત સરકારી તિજોરીને ભારે નુકસાન પહોંચાડી રહ્યાંની વ્યાપક ફરિયાદ ધ્યાનમાં રાખી રાજકોટ એસ.ટી વિજિલન્સ ટીમના પી.સી.રાણા, પીએસઆઈ એસ.એસ.વરૂ સહિત પોલીસ ટીમે ચેકીંગ કાર્યવાહી હાથ ધરી હતી.નેશનલ હાઈવે પર પરમીટથી વધુ પેસેન્જરો ભરેલા, ટ્રાફિકને અડચણરૂપ બનતા અને જાહેરનામાનો ભંગ કરતા 7 ઈકો અને 1 અર્ટીકાના વાહનચાલકોને ઝડપી પાડયા હતા. લીંબડી હાઈવે ઉપર પર એસ.ટી વિજિલન્સ અને પોલીસ ટીમની સંયુક્ત ટ્રાફિક ડ્રાઈવના સમાચાર ફેલાતા જાહેરનામાનો ભંગ કરતા વાહનચાલકોમાં ફફડાટ ફેલાયો હતો.
કલ્પેશ વાઢેર સુરેન્દ્રનગર
Advertisement
