ચાલુ વર્ષે ચોમાસાની શરૂઆત થતાં વરસાદ સારો વરસ્યો હતો ત્યારબાદ વરસાદે લાંબો વિરામ લેતા અસહ્ય બફારો તેમજ ગરમીથી લોકો ત્રસ્ત બન્યા હતા. ઉપરાંત ધરતીપુત્રો પણ ચિંતામાં મુકાયા હતા કેટલાક આદિવાસી વિસ્તારોમાં મેઘરાજાને રીઝવવા પરંપરાગત રીતરિવાજ મુજબ પ્રયાસો કરાયા હતા.
ગતરોજ મોડી રાત્રિથી નર્મદા જિલ્લામાં વરસાદે પધરામણી દીધી છે ત્યારે સમગ્ર વિસ્તારમાં ઠંડક પ્રસરી હતી ઉપરાંત ધરતીપુત્રો પણ આનંદમય બન્યા છે. નર્મદા જિલ્લાના તાલુકાઓની વાત કરીએ તો ગરુડેશ્વર તાલુકામાં ૧૮ મિમી, ડેડીયાપાડા ૨૦ મિમી, તિલકવાળા ૮ મિમી , નાંદોદ ૮ મિમી, સાગબારા તાલુકામા ૩૦ મિમી સાથે જિલ્લામાં સૌથી વધુ વરસાદ નોંધાયો છે. ગતવર્ષની સરખામણીમાં લગભગ અત્યારસુધી જિલ્લામાં સરેરાશ ૩૩ % જેટલો જ વરસાદ નોંધાયો છે. નર્મદા જિલ્લાના વિવિધ બંધની આજની તારીખ ૭.૮.૨૦ ના રોજ સ્થિતિ..
નર્મદા ડેમ ૧૧૯.૩૫ મીટર, કરજણ ડેમ. ૯૯.૭૭ મીટર, નાના કડી અંબા ૧૮૦.૮૦ મીટર, ચોપડવાવ ૧૮૨.૨૦ મીટર, ગરુડેશ્વર આડબંધ ૧૪.૦૮ મીટર.
રિપોર્ટર. આરીફ જી કુરેશી
રાજપીપળા નર્મદા જિલ્લા
