પાલેજ મુખ્ય બજારની પાછળ આવેલા બેંક રોડ ખાતે રાત્રી દરમિયાન ચોર ટોળકીએ મોબાઈલ તેમજ રોકડ મળી કુલ ૪૩ હજાર રૂપિયાની તસ્કરી કરી હતી.

પાલેજ મુખ્ય બજારની પાછળ આવેલ બેંક રોડ વિસ્તારના વાણીયા શેરીનાં નાકા ઉપર આવેલ મોબાઈલની દુકાનમાંથી બુધવારની મોડી રાત્રે તસ્કર ટોળકીએ વિવિધ કંપનીના ૪ જેટલા નવા મોબાઈલ અને ૧૩ હજારની રોકડ મળી કુલ ૪૩ હજાર મત્તાની ચોરી કરી પલાયન થઈ ગયા હતા. બુધવારે મોડી રાત્રે પાલેજ બેંક રોડ ઉપર ફોર યુ મોબાઇલ શોપના પતરાં તોડી ચોર ટોળકી દુકાનમાં પ્રવેશી હતી. દુકાનમાં તદ્દન નવા હેન્ડસેટ એવા આઈટેલ કંપનીના ૩ અને વિવો કંપનીનો ૧ મોબાઈલની ઉઠાંતરી કરી હતી. આ ઉપરાંત બ્લુટુથ નંગ ૩ અને પાવરબેંક ૨ તેમજ દુકાનના કાઉન્ટરમાં મુકવામાં આવેલ ૧૩ હજાર રોકડાની પણ ઉઠાંતરી થવા પામી હતી. ચોર ટોળકીએ ખુબ જ આસાનીથી બજાર તેમજ રેહણાક વિસ્તારમાં આવેલ દુકાનનાં પતરાં તેમજ પી.ઓ.પી તોડી દુકાનમાં પ્રવેશી નિર્ભય બની અંદાજે ૪૩ હજારનો હાથફેરો કરી ફરાર થઈ ગયા હતા.

ઇમરાન ઐયુબ મોદી-પાલેજ