ભરૂચ જીલ્લામાં સગીરા સાથે દુષ્કર્મનાં બનાવો ખૂબ વધી રહ્યા છે ત્યારે સગીરાને મોટા ભાગે લગ્ન કરવાની લાલચ આપી આરોપીઓ પોતાની પ્રેમજાળમાં ફસાવી સગીરા સાથે દુષ્કર્મ કરતાં હોય છે સાથે સગીરાને બ્લેકમેલ કરતાં હોવાના પણ બનાવ જાણવા મળ્યા છે ત્યારે અંકલેશ્વરનાં ગડખોલ વિસ્તારમાં સગીરા સાથે દુષ્કર્મ થયુ હોવાનો બનાવ અંકલેશ્વર શહેર પોલીસ મથકનાં ચોપડે નોંધાયો છે જે અંગે અંકલેશ્વર પોલીસ તપાસ કરી રહી છે. આ બનાવમાં પણ આરોપીએ સગીરાને પ્રેમજાળમાં ફસાવી હતી ત્યારબાદ ધમકીઓ આપી દુષ્કર્મ આચર્યું હતુ એટલું જ નહીં પરંતુ આરોપીએ સગીરાનાં નામનું ફેક ફેસબુક અને ઇનસ્ટાગ્રામ એકાઉન્ટ બનાવી બીભત્સ લખાણ સાથે તસ્વીરો પણ વાઇરલ કરી હતી. જોકે આ બનાવમાં અંકલેશ્વર પોલીસે નરાધમને ઝડપી પાડી વધુ તપાસ હાથ ધરી છે.
Advertisement
