કરજણ તાલુકાનાં વલણ પ્રાથમિક આરોગ્ય કેન્દ્ર ખાતે કોવીડ -૧૯ રસીકરણ અંગેનું ડ્રાય રન યોજાયું હતું, જેમાં રસીકરણ અંગેનું મોકડ્રિલ કરાયું હતું. રાજ્ય સરકારના આરોગ્ય વિભાગ દ્વારા આવનારા સમયમાં કોરોના વેક્સિન મૂકવામાં આવનાર છે. ખૂબ મોટી સંખ્યામાં રાજ્યના તમામ નાગરિકોને કોરોના વેક્સિન મૂકવાનું આયોજન કરવામાં આવ્યું છે.
કોરોના વેક્સિન મુકવાના સમય દરમિયાન પડતી મુશ્કેલીઓને સમજી શકાય તેવા હેતુથી વડોદરા જીલ્લા આરોગ્ય વિભાગ દ્વારા જીલ્લાના કરજણ તાલુકાના વલણ પ્રાથમિક આરોગ્ય કેન્દ્ર ખાતે ડ્રાય રન યોજવામાં આવ્યું હતું.
ડ્રાય રન સમયે ડૉ. અખિલેશ મિશ્રા, વલણ પ્રાથમિક આરોગ્ય કેન્દ્રનાં અધિકારી ડૉ. બિરેન્દ્ર ચૌધરી, વલણ પ્રાથમિક આરોગ્ય કેન્દ્રના આયુષ આરોગ્ય ઓફિસર તસવ્વુર રાઠોડ, આરોગ્ય કેન્દ્રનો સ્ટાફ તેમજ વલણ ગ્રામ પંચાયતના સરપંચ રમણ વસાવા ઉપસ્થિત રહ્યા હતા.
યાકુબ પટેલ : કરજણ
