ભરૂચ : નેત્રંગનાં કંબોડિયામાં જીતનો વિશ્વાસ વ્યકત કરતી ભારતીય કોંગ્રેસ પાર્ટી…

ભરૂચ જીલ્લાનાં નેત્રંગ તાલુકામાં કોંગ્રેસનાં મહાજન સંપર્ક અભિયાન અંતર્ગત એક મિટિંગનું આયોજન કરાયું હતું. આ મિટિંગ નેત્રંગનાં કંબોડિયા ગામ ખાતે યોજાઇ હતી જેમાં બહોળા પ્રમાણમાં કોંગ્રેસનાં કાર્યકરો અને ગ્રામજનો ઉપસ્થિત રહ્યા હતા.

નેત્રંગનાં કંબોડિયામાં યોજાયેલ આ મિટિંગમાં આ વિસ્તારનાં લોકોએ કોંગ્રેસ સમક્ષ પોતાની આપવીતી રજૂ કરતાં જણાવ્યુ હતું કે આ વિસ્તાર સમગ્રપણે ટ્રાયબલ વિસ્તાર છે અહીં છેલ્લા પાંચ વર્ષથી બી.ટી.પી. નું શાસન છે તેમ છતાં અમારા વિસ્તારનો વિકાસ નથી થયો, આ વખતે કોંગ્રેસ પાર્ટી સત્તા સ્થાને આવશે તો ચોકકસપણે અમારા વિસ્તારનો વિકાસ થશે.

નેત્રંગનાં કંબોડિયામાં યોજાયેલ આ કાર્યક્રમમાં જીલ્લા પ્રમુખ પરિમલસિંહ રણા, હસુભાઈ પટેલ, સંદીપ માંગરોલા, સુલેમાનભાઈ પટેલ, શેરખાન પઠાણ, કોંગ્રેસનાં માજી ધારા સભ્ય અમરસિંગ વસાવા સહિતનાં કોંગ્રેસનાં કાર્યકરો ઉપસ્થિત રહ્યા હતા.