ભરૂચ જિલ્લાના ઝઘડીયા તાલુકાની સારસા બેઠકના તાલુકા પંચાયતના ભાજપા ઉમેદવાર આરતીબેન હિરલભાઇ પટેલે આજે મતદાનના દિવસે તેમની બેઠકના ક્ષેત્રના સારસા ગામે મતદાન મથકની મુલાકાત લીધી હતી. મૂળ સારસા ગામના રહીશ એવા આરતીબેન પટેલ હાલ રાજપારડી ખાતે રહે છે અને રાજપારડી ગ્રામ પંચાયતમાં વર્તમાન સભ્ય તરીકે કાર્યરત છે. ભાજપા દ્વારા તેમની ઝઘડીયા તાલુકા પંચાયતની સારસા બેઠક માટે પસંદગી થતા તેઓ તેમના બે પ્રતિસ્પર્ધી ઉમેદવારો સામે ચુંટણી જંગ ખેલી રહ્યા છે. સારસા ગામે સવારથી જ મતદારોમાં ઉત્સાહ જોવા મળ્યો હતો. મતદારો પોતાના અધિકારનો ઉપયોગ કરવા સવારથી જ લાઇનોમાં ઉભા રહીને મતદાન કરતા નજરે પડ્યા હતા.
ગુલામહુશેન ખત્રી રાજપારડી જિ.ભરૂચ
Advertisement
