માંગરોળ તાલુકાનાં સભાખંડમાં મિટિંગનું આયોજન કરી સર્વાનુમતે વરણી કરવામાં આવી.

માંગરોલ તાલુકા પંચાયતનાં પ્રમુખ તરીકે ચંદનબેન ગામીત અને ઉપપ્રમુખ તરીકે ભરતભાઈ પટેલ અને કારોબારી ચેરમેન તરીકે મહાવીરસિંહ પરમાર, શાસક પક્ષનાં નેતા તરીકે શકુંતલા બેન ચૌધરી, દંડક તરીકે મનીષભાઇ વસાવાની સર્વાનુમતે નિમણુક કરવામાં આવી. સ્થાનિક સ્વરાજની ચૂંટણીમાં ભગવો લહેરાયા બાદ પ્રમુખ અને ઉપપ્રમુખ માટે પાર્ટીએ મેન્ડેટ આપ્યા હતા. કોઈ અન્ય દાવેદાર નહિ હોવાથી પ્રમુખ તરીકે ચંદનબેન ગામીત અને ઉપપ્રમુખ તરીકે ભરતભાઇ પટેલ નક્કી કરવામાં આવ્યા હતા. માંગરોળ તાલુકામાં પ્રમુખ અને ઉપપ્રમુખની વરણી કરાતા કાર્યકરોમાં ખુશીનો માહોલ છવાયો હતો.