ઝઘડિયા તાલુકાના એક ગામે સગીરાને પટાવીને લગ્નની લાલચ આપી એક ઈસમ ભગાડી ગયો.

ભરૂચ જિલ્લાના ઝઘડિયા તાલુકાના એક ગામે રહેતી એક સગીરાને એક ઇસમ પટાવીને લગ્ન કરવાની લાલચ આપીને ભગાડી ગયો હોવા બાબતની ઘટના બનવા પામી છે.

મળતી વિગતો મુજબ આ સગીરા ગત તા.૨૪ મીના રોજ ધરના વાડામાં સ્નાન કરવા ગઇ હતી. ત્યારે સગીરાની એકલતાનો લાભ લઇ‌ને ‌રાહુલ ઉર્ફે ભોલા વિરસીંગ વસાવા નામનો ઇસમ તેને પટાવી ફોસલાવીને લગ્ન કરવાની લાલચ આપી ભગાડી ગયો હતો. આ બાબતની જાણ સગીરાના પરિવારને થતાં તેમણે ગામમાં તથા સંબંધીઓને ત્યાં સગીરાની શોધખોળ કરી હતી, પરંતુ તે મળી ન હતી. જેથી ગઇકાલે સગીરાની માતાએ ‌રાહુલ ઉર્ફે ભોલા વિરસીંગ વસાવા નામના ઈસમ વિરુધ્ધ ઉમલ્લા પોલીસમાં ફરિયાદ લખાવતા પોલીસે તપાસ હાથ ધરી હતી.

ગુલામહુશેન ખત્રી રાજપારડી જિ.ભરૂચ