દહેજ પોલીસે કડોદરા ગામની સીમમાંથી ભારતીય બનાવટનો વિદેશી દારૂનો જથ્થો ઝડપી પાડયો.

કડોદરા ગામની સીમમાંથી ભારતીય બનાવટનો વિદેશી દારૂનો જથ્થો દહેજ પોલીસ દ્વારા ઝડપી પાડવામાં આવ્યો હતો. ભરૂચ જિલ્લામાં અને જિલ્લાની બહારના વિસ્તારમાં દારૂ જુગારની પ્રવૃતિને નાબૂદ કરવા માટે ભરૂચ પોલીસ પેટ્રોલિગમાં હતા તે દરમિયાન મળેલ બાતમીને આધારે કડોદરા ગામે ખડકી ફળિયામાં રહેતા પંકજભાઈ ભરતભાઈ ગોહિલ રહે.વાગરા, ભરૂચના કબ્જામાંથી કડોદરા ચોકડીથી અગર વાળા રોડ ઉપર કેનાલના કુંડા પાસેથી ભારતીય બનાવટનો ઇંગલિશ દારૂની અલગ અલગ બ્રાન્ડની નાની મોટી બોટલો મળી 180 મીલીની 238 નંગ બોટલ જેની કિંમત 23,800/- તેમજ 750 મીલીની 12 નંગ બોટલ જેની કિંમત 4800/- હતી. બંને મળીને કુલ 28,600/- નો પ્રોહી મુદ્દામાલ વેચાણ અર્થે રાખેલ મળી આવતા ગુનો બદલ દહેજ પોલીસે આગળની કાયદેસરની કાર્યવાહી હાથ ધરી હતી.