ભરૂચ જિલ્લાના ઝઘડીયા તાલુકાના અવિધા ગામે જુગાર રમતા ચાર ઇસમો ઝડપાયા હતા,જ્યારે પોલીસની રેઇડ જોઇને એક ઇસમ નાસી ગયો હતો.
રાજપારડી પીએસઆઇ જે.બી.જાદવના માર્ગદર્શન હેઠળ પોલીસના જવાનો ગતરોજ ખાનગી વાહનમાં અવિધા બીટ વિસ્તારમાં પેટ્રોલિંગમાં હતા તે દરમિયાન બાતમી મળી હતી કે અવિધાના સંચા ફળિયામાં જવાના રસ્તાની બાજુમાં આવેલ વાડામાં કેટલાક ઇસમો બેસીને પૈસા વડે પાના પત્તાનો હારજીતનો જુગાર રમે છે. પોલીસે બાતમીવાળા સ્થળે છાપો મારતા કેટલાક ઇસમો પાનપત્તા વડે હારજીતનો જુગાર રમતા જણાયા હતા. પોલીસને જોઇ જુગારીઓમાં નાસભાગ મચી જવા પામી હતી. જેમાં પોલીસે ચાર જુગારીઓને ઝડપી લીધા હતા જ્યારે એક ભાગી જવામાં સફળ થયો હતો. પોલીસે કુલ રૂ.૧૧,૭૩૦ રોકડા મુદ્દામાલ તરીકે જપ્ત કર્યા હતા, અને જુગાર રમતા જીગ્નેશ વિજયભાઈ પાટણવાડીયા, કનુ કિલિયાભાઇ વસાવા, સુરેશ બાબુભાઈ પાટણવાડીયા તેમજ અશોક બાલુભાઈ પાટણવાડીયા તમામ રહે. અવિધા તા. ઝઘડિયા વિરુદ્ધ રાજપારડી પોલીસ મથકમાં ફરિયાદ નોંધી કાર્યવાહી હાથ ધરી હતી.
ગુલામહુશેન ખત્રી રાજપારડી જિ.ભરૂચ
